"ಕಂದ" ಪದ್ಯ
ಎಷ್ಟು ಚಂದ ನಮ್ಮ ಕಂದ
ಬಾಯಿ ತೆರೆದು ನಕ್ಕರೆ
ಪುಟ್ಟ ಹಲ್ಲು, ಹಾಲುಗಲ್ಲ
ನಗುವೆ ಸಿಹಿಯ ಸಕ್ಕರೆ
ನಮ್ಮ ಕಂದ ಇನ್ನೂ ಚಂದ
ಸಿಟ್ಟು ಮಾಡಿಕೊಂಡರೆ
ಕೆಂಪು ಮೂಗು, ಜೋರು ಕೂಗು
ಬಾಯಿ ಜೊಲ್ಲು ಇಳಿದರೆ
ನಮ್ಮ ಕಂದ ಬಹಳ ಅಂದ
ಗುಮ್ಮನಂತೆ ಕೂತರೆ
ಕೆನ್ನೆ ದಪ್ಪ ಮಾಡಿಕೊಂಡು
ತುಟಿಯ ಮುಚ್ಚಿಕೊಂಡರೆ
ಸಾಕು ಕಂದ ಇಷ್ಟು ಚಂದ
ಇನ್ನು ಹೊಗಳಲಾರೆನು
ಸಿಟ್ಟು, ಸಿಡುಕು ಬಿಟ್ಟರೀಗ
ಮುದ್ದು ಮಾಡಿ ಬಿಡುವೆನು...!
- ಸ್ಕಂದ ಆಗುಂಬೆ
ಈ ಪದ್ಯ "ಸುಧಾ" ವಾರಪತ್ರಿಕೆಯಲ್ಲಿ ಪ್ರಕಟವಾಗಿದೆ
Comments
Post a Comment