ಅಜ್ಜ ನಡೆದ ಹಾದಿಯಲ್ಲೀಗ ಗರಿಕೆ ಹುಟ್ಟಿದೆ.

-


ಅಜ್ಜ ಇನ್ನೊಂದಷ್ಟು ವರ್ಷ ಇರಬೇಕಿತ್ತು..



ಈ ಮಾತನ್ನ ಒಂದು ವರ್ಷದೊಳಗೆ ಅದೆಷ್ಟು ಸಲ ಹೇಳಿದ್ದೇನೋ ಲೆಕ್ಕವಿಲ್ಲ‌. ಇವತ್ತಿಗೂ ಅಜ್ಜನ ಬಗ್ಗೆ ಮಾತನಾಡಲು ಶುರುಮಾಡಿದರೆ ಗಂಟೆಗಟ್ಟಲೆ ಮಾತು ಸಾಗುತ್ತದೆ.

ಅಜ್ಜನ ಎಲೆ ಅಡಿಕೆ ತುಂಬಿದ ಬಾಯಿ, ಇದ್ದೂ ಇರದಂತಿದ್ದ ನಗು, ತೂಕದ ಮಾತು, ಶಿಸ್ತು, ಗತ್ತು, ಗಾಂಭೀರ್ಯ, ಇನ್ನೊಬ್ಬರ ಕುರಿತಾದ ಕಾಳಜಿ, ಗಣಪತಿಯ ಮೇಲಿದ್ದ ಭಕ್ತಿ...

ಅಜ್ಜನ ಬಗ್ಗೆ ಹೇಳೋಕೆ ಕೂತರೆ ಪಟ್ಟಿ ಉದ್ದವಾಗುತ್ತಲೇ ಹೋಗುತ್ತೆ!!
ಅಜ್ಜನ ಬಗ್ಗೆ ಹೇಳೋಕೆ ಸಾಕಷ್ಟಿದೆ, ದೈಹಿಕವಾಗಿ ಕಣ್ಣೆದುರು ಇಲ್ಲವೆಂಬುದನ್ನು ಬಿಟ್ಟರೆ, ಅಜ್ಜ ನಮ್ಮೊಳಗೆ ಸದಾ ಜೀವಂತ.

ಗಣಪತಿಯ ಅಪ್ಪಟ ಭಕ್ತರಾಗಿದ್ದ ನನ್ನ ಅಜ್ಜ ಕಣ್ಮುಚ್ಚಿ ಒಂದು ವರ್ಷವಾಯ್ತು.

ಅಜ್ಜ ನಡೆದ ಹಾದಿಯಲ್ಲೀಗ ಗರಿಕೆ ಹುಟ್ಟಿದೆ.



05/10/2018 - 05/10/2019

Comments

Post a Comment

Popular posts from this blog

"ಕಂದ" ಪದ್ಯ

-
Image
ಎಷ್ಟು ಚಂದ ನಮ್ಮ ಕಂದ ಬಾಯಿ ತೆರೆದು ನಕ್ಕರೆ ಪುಟ್ಟ ಹಲ್ಲು, ಹಾಲುಗಲ್ಲ ನಗುವೆ ಸಿಹಿಯ ಸಕ್ಕರೆ ನಮ್ಮ ಕಂದ ಇನ್ನೂ ಚಂದ ಸಿಟ್ಟು ಮಾಡಿಕೊಂಡರೆ ಕೆಂಪು ಮೂಗು, ಜೋರು ಕೂಗು ಬಾಯಿ ಜೊಲ್ಲು ಇಳಿದರೆ ನಮ್ಮ ಕಂದ ಬಹಳ ಅಂದ ಗುಮ್ಮನಂತೆ ಕೂತರೆ ಕೆನ್ನೆ ದಪ್ಪ ಮಾಡಿಕೊಂಡು ತುಟಿಯ ಮುಚ್ಚಿಕೊಂಡರೆ ಸಾಕು ಕಂದ‌ ಇಷ್ಟು ಚಂದ ಇನ್ನು ಹೊಗಳಲಾರೆನು ಸಿಟ್ಟು, ಸಿಡುಕು ಬಿಟ್ಟರೀಗ ಮುದ್ದು ಮಾಡಿ ಬಿಡುವೆನು...! - ಸ್ಕಂದ ಆಗುಂಬೆ ಈ ಪದ್ಯ "ಸುಧಾ" ವಾರಪತ್ರಿಕೆಯಲ್ಲಿ ಪ್ರಕಟವಾಗಿದೆ
Read more

ಆಗುಂಬೆ ಎಂಬ ಹಸಿರುಲೋಕ!

-
Image
ಆಗುಂಬೆ, ಮಲೆನಾಡಿನ ಮಡಿಲಿನಲ್ಲಿರುವ ಒಂದು ಪುಟ್ಟ ಊರು. ಮಳೆಗಾಲದಲ್ಲಿ ಸೂರ್ಯನ ಅಸ್ತಿತ್ವವನ್ನೂ ಮರೆಯಿಸುವಂತೆ ಗಾಢವಾದ ಮೋಡಗಳಿಂದ ಆವೃತವಾಗಿ ಭೋರ್ಗರೆವ ಮಳೆಯಲ್ಲಿ ತೊಯ್ಯುವ ಊರು ಮಳೆಗಾಲ ಮುಗಿಯುತ್ತಿದ್ದಂತೆಯೇ ಸೂರ್ಯಾಸ್ತಮಾನದ ಭವ್ಯ ನೋಟಕ್ಕೆ ಅವಕಾಶ ಕಲ್ಪಿಸಿಕೊಡುತ್ತದೆ. ಹೊರಜಗತ್ತಿಗೆ ದಕ್ಷಿಣ ಭಾರತದ ಚಿರಾಪುಂಚಿ ಎಂದು ಪರಿಚಿತವಾಗಿರುವುದರಿಂದ ಆಗುಂಬೆಯ ಹೆಸರನ್ನು ಕೇಳದೇ ಇರುವವರ ಸಂಖ್ಯೆ ವಿರಳಾತಿವಿರಳ. ಮೂರ್ತಿ ಚಿಕ್ಕದಾದರೂ ಕೀರ್ತಿ ದೊಡ್ಡದು ಎಂಬ ಮಾತಿಗೆ ತಕ್ಕಂತೆ ಭೂ ವಿಸ್ತೀರ್ಣದಲ್ಲಿ ಚಿಕ್ಕ ಊರಾದರೂ ತನ್ನ ವಿಶಿಷ್ಟತೆಗಳ ಕಾರಣದಿಂದ ಪ್ರಸಿದ್ಧಿಯಾಗಿದೆ. ಆಗುಂಬೆಯ ಹಿನ್ನೆಲೆಯನ್ನು ಕೆದಕುತ್ತಾ ಹೋದರೆ ಘಾಟಿಯ ತಿರುವುಗಳಂತೆಯೇ ಹಲವು ಕತೆಗಳು ಒಂದರ ಹಿಂದೊಂದು ತೆರೆದುಕೊಳ್ಳುತ್ತವೆ. ಶ್ರೀ ಮದಗಂಬಾಪುರ ಎಂಬುದು ಆಗುಂಬಾಪುರವಾಗಿ ನಂತರ ಆಗುಂಬೆ ಎಂಬ ಹೆಸರನ್ನು ಅಂಟಿಸಿಕೊಂಡ ಈ ಊರು ಪ್ರವಾಸಿತಾಣವೆಂಬ ಪಟ್ಟವನ್ನು ಹೊತ್ತಿದ್ದರೂ ಅಭಿವೃದ್ಧಿಯ ವಿಚಾರದಲ್ಲಿ ಮಾತ್ರ ಹಿಮ್ಮುಖವಾಗಿ ಚಲಿಸಿದಂತೆ ಕಾಣುತ್ತದೆ. ಅಲ್ಲಿಯ ಜನರೇ ಹೇಳುವಂತೆ ಹಲವು ವರ್ಷಗಳ ಹಿಂದೆ ವ್ಯಾಪಾರ, ವಹಿವಾಟು ಚಟುವಟಿಕೆಗಳ ಕೇಂದ್ರವಾಗಿದ್ದ ಆಗುಂಬೆ ಘಟ್ಟ ಪ್ರದೇಶ ಹಾಗೂ ಕರಾವಳಿಯನ್ನು ಬೆಸೆಯುವ ಬಹುಮುಖ್ಯ ಕೊಂಡಿ ಎಂದು ಗುರುತಿಸಿಕೊಂಡಿದ್ದರಿAದ ಘಾಟಿಯ ಮೂಲಕ ಹಾದು ಹೋಗಲು ಉಗಿಯಿಂದ ಓಡುವ ಬಸ್ ಸೌಲಭ್ಯವಿತ್ತಂತೆ. ಆದರೆ, ಇದ್ದಿದ್ದು ಒಂದೇ ಬಸ್ ಆಗಿದ್ದರಿಂ
Read more

ಬರಗಾಲ

-
Image
ಕೆಂಡ ಕಾರುವ ಭಾನು ಸುಟ್ಟು ಬಿದ್ದ ಮೇಘ ಭುವಿಯೀಗ ಒಣಗಿದ ಗರಿಗರಿ ಬಟ್ಟೆ ಬಡವಿ ಭೂಮಾತೆ ಬಸವಳಿದು ಕುಳಿತಿಹಳು ಮೂರು ಮಾಸದಿಂದ ಉಪವಾಸವಂತೆ ಹೊಳೆದಂಡೆ ಗರಿಕೆಯ ಬದುಕು ಬಡವಾಗಿರಲು ಚಿಗರೆ ಮರಿಗೆಲ್ಲಿ ಹೊತ್ತು ಊಟ? ಎದೆ ಕವಚ ಹೊರಗಿಣುಕಿ, ಭುವಿ ಕದವ ಬಡಿದಿರಲು ರಕ್ತನಾಳಕ್ಕೀಗ ಸಾವಿನಾಟ ಬತ್ತಿದ ಹೊಲದಲ್ಲಿ ಬಿತ್ತಿದ ಬೀಜವು ನರಳಾಟದ ಹಾಡು ಹಾಡುತ್ತಿತ್ತು ಮೊಳಕೆಯ ಮೂಲವೇ ಮೌನವಾಗಿರಲು ಶ್ವಾಸಕೋಶದ ಒಳಗೆ ಶೋಕಗೀತೆ ಹತ್ತು ಎಕರೆಯ ಒಡೆಯ ಅತ್ತು ಸುಸ್ತಾಗಿರಲು ಮೂರು ಗುಂಟೆಯ ರೈತ ಸತ್ತು ಹೋದ ಹಟ್ಟಿಯಲಿ ಕಟ್ಟಿದ ಬಾಚು ಕೋಡಿನ ಎತ್ತು ಹಿಡಿ ಹುಲ್ಲಿಗಾಗಿ ಕೊರಗುತಿತ್ತು ಕೆರೆ ತಳದಿ ಕಪ್ಪೆಮರಿ ಅಂಗಾತ ಬಿದ್ದಿರಲು ಸರಸರನೆ ಓಡಿತ್ತು ಉರಗರಾಜ ಸರಿಸೃಪದ ಪರದಾಟ ಕಣ್ಣಿಗೆ ಗೋಚರಿಸೆ ಒಣಕು ಕೊಕ್ಕರೆಗೀಗ ಹಬ್ಬದೂಟ - ಅನಾಸ್ಕ
Read more