ಸಂಬಂಧಗಳಿಗೆ ತೀರಾ ನಿರ್ಬಂಧ ಹೇರಿ.. ಟೈಂ ಟೇಬಲ್ ಹಾಕಿ ಶಿಸ್ತುಬದ್ಧ ಮಾಡೋಕ್ ಹೋಗ್ಬಾರ್ದು, ಅವುಗಳ ಪಾಡಿಗೆ ಸ್ವತಂತ್ರವಾಗಿರೋಕೆ ಬಿಟ್ಟುಬಿಡಬೇಕು, ನಿಜವಾಗಿಯೂ ಸೆಳೆತ ಇದ್ದಿದ್ದೇ ಹೌದಾದರೆ ಅವು ಎಲ್ಲೇ ಹೋದರೂ ದೂರಾಗುವುದಿಲ್ಲ, ಎಂದೋ ಯಾವುದೋ ಬಿಂದುವಿನಲ್ಲಿ ಸಂಧಿಸುವುದು ಖಚಿತ. ಕರುಳಿಗೆ ನೈಜ ಸಂಬಂಧಗಳನ್ನು ಹಿಡಿದಿಟ್ಟುಕೊಳ್ಳೋ ತಾಕತ್ತು ಇದ್ದೇ ಇರುತ್ತೆ..
ಈ ನವೆಂಬರ್ ನಾಲ್ಕು ಅನ್ನೋದೇ ಹುಣ್ಣಿಮೆ ಬೆಳದಿಂಗಳಿದ್ದಂತೆ, ಸಾಲದ್ದಕ್ಕೆ ಇವತ್ತು ಅಸಲಿ ಪೌರ್ಣಿಮೆ, ಅದೇ ಖುಷಿಯಲ್ಲಿ ಒಂದಷ್ಟ್ ಸಾಲುಗಳನ್ನ ಗೀಚ್ತಿದ್ದೀನಿ.. ಸಹಿಸಿಕೊಳ್ಳಿ -
ಒಡಹುಟ್ಟಿದವಳು.. ತೀರಾ ಒದ್ದಾಡಿ ಬದುಕಿದ ಕೂಸು ಅದು. ಏಳು ತಿಂಗಳಿಗೆ ಹುಟ್ಟಿ, ಏಳು ಜನ್ಮಕ್ಕಾಗುವಷ್ಟು ಸಂಕಟಪಟ್ಟಿರಬಹುದು. ಹುಟ್ಟಿ ಹೆಚ್ಚೂ ಕಡಿಮೆ ಹದಿನೈದು ದಿನಗಳಾದ ಮೇಲೆ ತಂಗಿಯ ಮುಖ ನೋಡಿದ್ದು ನಾನು. ಅವ್ಳು ಶಾಲೆಗ್ ಸೇರೋಷ್ಟ್ರಲ್ಲಿ ನಾನು ಹಾಸ್ಟೆಲ್ ಸೇರಿದೆ, ಸರಿಸುಮಾರು ಆರು ವರ್ಷವಾಯ್ತು ಅವಳೊಟ್ಟಿಗೆ ಹೆಚ್ಚು ಕಾಲ ಕಳೆಯದೆ. ಮನೆಗ್ ಹೋದಾಗ ಜಗಳ - ಹೊಡೆದಾಟಕ್ಕೇ ಟೈಂ ಸಾಕಾಗಲ್ಲ, ಇನ್ನು ಕೂತ್ಕೊಂಡ್ ಮಾತಾಡೋದ್ ಎಲ್ಲಿ? 😉 ಮನೆಗ್ ದಿನಾ ಫೋನ್ ಮಾಡಿ ಅರ್ಧರ್ಧ ಗಂಟೆ ಮಾತಾಡಿದ್ರೂ ಅವ್ಳತ್ರ ಮಾತಾಡೋದ್ ಕಮ್ಮಿನೇ. ಅವ್ಳ ಕತೆಗಳಿಗೂ ನಮ್ಮ ಕತೆಗಳಿಗೂ ಅಜಗಜಾಂತರ ವ್ಯತ್ಯಾಸ ಇರೋದ್ರಿಂದ ಪರಸ್ಪರ ಹಂಚಿಕೊಳ್ಳೋಕೂ ಆಗಲ್ಲ 😂😂 ಆದ್ರೂ ಅದೊಂಥರಾ ಮುದ್ಮುದ್ದು ಜೀವ, ನಾ ಕೊಡೋ ಅತೀ ಚಿಕ್ಕ ಸರ್ಪ್ರೈಸ್ಗಳನ್ನೂ ತೀರಾ ದೊಡ್ಡ ಖುಷಿಯಂತೆ ಸಂಭ್ರಮಿಸುತ್ತೆ, ಇದಕ್ಕಿಂತ ಗಾಢ ಪ್ರೀತಿ ಇನ್ನೆಲ್ಲಿರೋಕೆ ಸಾಧ್ಯ? 😘❤
ಮತ್ತೆ ಕೆಲವು ಸಂಬಂಧಗಳು ಜೀವನದ ನಡುದಾರಿಯಲ್ಲೆಲ್ಲೋ ಆಕಸ್ಮಿಕವಾಗಿ ಸಿಕ್ಕು ಆಪ್ತವಾಗುವವು, ಅದ್ರಲ್ಲಿ ಹೆಚ್ಚಿನವು ಸದ್ದೇ ಮಾಡದೆ ಎದ್ದು ಹೊರಟು.. ಹೆಚ್ಚು ಕಾಡದೇ ಮರೆಯಾದ್ರೆ, ಬೆರಳೆಣಿಕೆಯಷ್ಟು ಸಂಬಂಧಗಳು ಮಾತ್ರ ರಕ್ತಸಂಬಂಧಗಳಷ್ಟೇ ಗಟ್ಟಿಯಾಗ್ಬಿಡ್ತಾವೆ. ಅಂತಹ ಅತ್ಯಾಪ್ತ ಜೀವಗಳಲ್ಲೊಬ್ಬಳು Mandara 😘 ಇವ್ಳ್ ನನ್ ಜೊತೆ ಅದ್ಯಾಕ್ ಅಷ್ಟ್ ಕ್ಲೋಸ್ ಆಗಿದ್ದು? ಅದ್ಹೇಗೆ ಸಲುಗೆ ಬೆಳ್ಸ್ಕೊಂಡಿದ್ದು? ಅನ್ನೋ ಯಾವ್ ಪ್ರಶ್ನೆಗಳಿಗೂ ಉತ್ತರ ಇಲ್ಲ.. ಇವ್ಳ್ ನನ್ ಬೆಸ್ಟ್ ಫ್ರೆಂಡ್ ಅಂತ ಹೇಳಿದ್ರೆ ಮೇಲಿರೋ ದೇವ್ರ್ ಕೂಡ ನಗ್ಬಹುದೇನು.. ತಿಂಗ್ಳಿಗೊಂದ್ಸಲ ಫೋನಲ್ಲಿ ಮಾತಾಡಿದ್ರೆ ಅದೇ ಹೆಚ್ಚು, ಹುಚ್ಚೆದ್ದು ಒಂದ್ ವಾರ ಫುಲ್ ಮೆಸೇಜ್ ಮಾಡಿದ್ರೆ, ನೆಕ್ಸ್ಟ್ ಸ್ವಲ್ಪ ದಿನಕ್ಕೆ ಉಳ್ದಿದ್ದೀವೋ? ಇಲ್ವೋ? ಅನ್ನೋದು ಕೂಡ ಇಬ್ರಿಗೂ ಗೊತ್ತಿರಲ್ಲ.. ಅಬ್ಬಬ್ಬಾ ಅಂದ್ರೆ ವರ್ಷದಲ್ ಎರಡ್ಮೂರ್ನಾಲ್ಕ್ ಸಲ ಮುಖಾಮುಖಿ ಆಗೋ ಅಂತ ಬೆಸ್ಟ್ ಫ್ರೆಂಡ್ಸು ನಾವು 😂😂 ನಾ ಕೊಡೋ ಎಲ್ಲಾ ಕಾಟಗಳನ್ನು ಸಹಿಸ್ಕೊಂಡು, ಚಕ್ರಬಡ್ಡಿ ಸಮೇತ ಅದನ್ನ ಹಿಂದಿರುಗಿಸೋ ದೋಸ್ತಿ ಇದು.. ಇವ್ಳನ್ನ ಜಾಸ್ತಿ ಹೊಗ್ಳೋಕ್ ಹೋದ್ರೆ ನಾನು ಆತ್ಮವಂಚನೆ ಮಾಡ್ಕೊಂಡಂಗ್ ಆಗುತ್ತೆ ಸೋ ಇಷ್ಟೇ ಸಾಕು ಬಿಡಿ 😝❤
ಈ ಎರಡು ಮುದ್ದು ಜೀವಗಳು ಹುಟ್ಟಿದ ದಿನ ಇವತ್ತು.. ಹುಣ್ಣಿಮೆ ಚಂದ್ರನಂತೆಯೇ ಇವರ ಬದುಕು ಸದಾ ಕಂಗೊಳಿಸಲಿ, ಇಂಥಾ ಚಂದದ ಸಂಬಂಧಗಳನ್ನ ಅಷ್ಟೇ ಜತನವಾಗಿ ಬೇಲಿ ಹಾಕದೇ ಉಳಿಸಿಕೊಳ್ಳೋ ಶಕ್ತಿ ನನಗೆ ಸಿಗಲಿ 😍😍😍
ನಿಮ್ಮ ಹಾರೈಕೆ ಸದಾ ಇರಲಿ 😘
No comments:
Post a Comment